വൈഫൈ റേഞ്ച് എങ്ങിനെ വർദ്ധിപ്പിക്കാം ? (WiFi signal extension)

ഫെയിംവെയർ അപ്ഡേറ്റ് 

അടുത്ത പ്രധാനപ്പെട്ട ഒന്നാണ് ഫെയിംവെയർ അപ്ഡേറ്റ്. എല്ലാമോഡങ്ങൾക്കും റൗട്ടറുകൾക്കും ഫെയിംവെയർ അപ്ഡേറ്റുകൾ വന്നുകൊണ്ടിരിക്കും. അതാത് സമയത്ത് ഫെയിംവെയർ അപ്ഡേറ്റ് ചെയ്‌തെന്ന് ഉറപ്പ്‌ വരുത്തുക. ഇല്ലെങ്കിൽ സർവീസ് പ്രൊവൈഡറിനെ വിളിച്ചു അപ്ഡേറ്റ് ചെയ്യാൻ ആവശ്യപ്പെടുക. പുതിയ ഫെയിംവെയർ അപ്ഡേറ്റ് ചെയ്യുന്നതോട് കൂടി മോഡം അപ്ഡേറ്റ് ആകുകയും മൊത്തത്തിൽ അതിന്റെ മാറ്റം പ്രകടമാക്കുകയും അത് റേഞ്ച് പ്രശ്നങ്ങൾ കുറയ്ക്കാനും സഹായിക്കുന്നു. ഇൻറർനെറ്റിൽ നിന്നും റൂട്ടർ ഒഫീഷ്യൽ പേജുകളിൽ നിന്നും ഇത്തരം അപ്ഡേറ്റുകൾ ലഭ്യമാണ്.

വെയേർഡ് എക്സ്ടെൻഡർ

വയർലെസ്സ് എക്സ്ടെൻഡർ പോലെ തന്നെ കണ്ടുവരുന്ന ഒന്നാണ് വെയേർഡ് എക്സ്ടെൻഡർ. വെയേർഡ് എക്സ്ടെൻഡറിലൂടെ ആണ് കൂടുതൽ സ്ഥിരതയുള്ള ഇന്റർനെറ്റ് കണക്റ്റിവിറ്റി നമുക്ക് ലഭിക്കുന്നത്. അതിനു കാരണം ഇതിൽ സർവീസ് പ്രൊവൈഡർ തന്ന മോഡത്തിൽ നിന്നും നമ്മൾ വേറൊരു റൂട്ടർ വാങ്ങി അതിലേക്ക് ഒരു ലാൻ കേബിൾ വഴി കണക്ഷൻ കൊടുക്കുന്നു. വയർ ഉപയോഗിച്ച് അടുത്ത റൂട്ടറിൽ കൊടുക്കുന്നത് കൊണ്ടുതന്നെ ഇന്റർനെറ്റ് സ്പീഡ് കുറവ് അനുഭവപ്പെടുന്നില്ല. എന്നാൽ ഇത്തരം എക്സ്ടെൻഡറിൽ നമ്മൾക്ക് ലാൻ കേബിൾ , റൂട്ടർ എന്നിവ ആവശ്യം ആയി വരുന്നു. കൂടുതൽ കേബിൾ വലിക്കണമെങ്കിൽ അത്ര പണം കൂടുതലായി മുടക്കേണ്ടി വരും. 

മുകളിൽ പറഞ്ഞ ഇത്രയും കാര്യങ്ങൾ ശ്രദ്ധിച്ചാലും ചിലപ്പോൾ നമ്മുടെ ഫോണിലോ , ലാപ്‌ടോപിലോ വൈഫൈ സിഗ്നൽ കുറവ് കാണിക്കുന്നത് ശ്രദ്ധയിൽ പെട്ടാൽ. മറ്റൊരു ഡിവൈസ് കൂടി കണക്ട് ചെയ്ത് ചെക്ക് ചെയ്യുക. കാരണം ചില അവസരങ്ങളിൽ ഫോണിന്റെ അല്ലെങ്കിൽ ലാപ്ടോപിന്റെ വൈഫൈ പിടിച്ചെടുക്കേണ്ട വൈഫൈ അഡാപ്റ്ററിന് തകരാർ സംഭവിക്കാറുണ്ട്. അത്തരം അവസരങ്ങളിൽ നമ്മൾ ഉപയോഗിക്കുന്ന ഡിവൈസ്സിൽ വൈഫൈ റേഞ്ച് കുറവായിരിക്കും കാണിക്കുന്നത്. അതുകൂടി ശ്രദ്ധിക്കുക.